GAZ VA GAZ KONDENSATNI YIG‘ISH VA TAYYORLASH

Abstract

  Gaz va gaz kondensatli konlardan qazib olinayotgan tabiiy gazlar quduqlaming ustki qismidan to iste’molchiga jo'natish uchun magistral quvurlarigacha murakkab yig‘ish va ishlov berish jarayonidan o‘tadi. Quduqlarning mahsulotlarini yig'ish tizimi quduq ustidan gazni kompleks tayyorlash qurilmalariga, asosiy binoga yoki gazni qayta ishlash zavodlariga yuborilgunga qadar uzatish uchun mo‘ljallangan jihozlar jamlanmasi, armaturalar va kommunikatsiyalardan tashkil topgan. Gaz va gaz kondensatli konlarda turli xil tizimdagi gazni yig’ish tizimlari qo’llaniladi. Yuqori qatlam bosimli konlarda asosan gazni guruhiy yig’ish tizimi qo’llaniladi. Gazni quritish va uning tarkibidagi kondensatlarni ajratib olish bir vaqtning o‘zida gazning kompleks tayyorlash qurilmalarida (GKTQ) amalga oshiriladi. GKTQsi asosan guruhiy gaz yig’ish shaxobchalarida joylashtiriladi, gaz qo'shimcha ravishda mexanik qo‘shimchalardan tozalanadi va gazni alohida shu maqsadda o’rnatilgan qurilmalarda yoki magistral quvurlar uchun mo’ljallangan bosh binolarda tozalash ishlari amalga oshiriladi. Keltirilgan talablarni amalda bajarish maqsadida kon sharoitlarida qazib olinayotgan gazning suyuq uglevodorodli qismini ajratib olish uchun quritish yoki tozalash texnologik qurilmalari quriladi va bu qurilmalar quvurlar orqali o‘zaro bog’lanadi.