REPETETOR KIM?

Abstract

Annotatsiya: Hozirgi davrda repetetorlarga ehtiyoj kundan kunga ortib bormoqda. O’z sohasining yetuk mutaxxassislari repetetor hisoblanasi. Unda maktabdagi o’qituvchilar kim? Aslida maktab ham oliy dargohga, mustaqil hayot yo’llariga kuzatuvchi eng yaxshi ustoz emasmi?

Hozirgi global, jadal sur’atlarda o’sayotgan zamonimizda repetetorlarga talab kundan kunga ortib bormoqda.Ayni bir fanni, sohani o’rgatuvchi, o’z sohasining yetuk, o’ziga ishongan mutaxasislari repetetetorlar hisoblanadi.Xo’sh repetetorlar institut, universitetga, oliy o’quv yurtiga tayyorlaydigan mutaxxasis bo’lsa, unda maktabning, maktabdagi o’qituvchilarning vazifasi nima?

Faqatgina davomat uchun, ustozidan tanbeh eshitmaslik uchungina borilyaptimi, maktabga?

Qanchalik achchiq haqiqat bo’lmasin ayni bir fan o’tilayotgan paytda repetetordagi boshqa fan vazifalarini qilib o’tiradigan o’quvchilarimiz talaygina, eng achinarli tomoni ham shundaki, bunday holatga ustozlarning o’zlari ham befarq bo’lib e’tiborsizlik bilan o’tirishadi.

Har bir sohada xususan ta’limda ham bunday ko’z yumib bo’lmaydigan holatlarni bartaraf qilsak, mustaqil O’zbekistonimiz rivojlanayotgan davlat emas, rivojlangan davlatlar safiga kirishiga aminmiz.

Fan o’qituvchilariga qo’yiladigan asosiy talablardan biri o’quvchilarni darsga qiziqtirgan holatda o’zi dars berayotgan fan doirasida darsga barchani e’tiborini qaratish, jalb qila olish qobiliyati hisoblanadi.Shundagina ustozlarimizning  samaradorlikka erishish darajasi yuqori bo’ladi.

Sidqidildan bolalarga dars o’tayotgan, ularni kamchiliklarini to’ldirishga harakat qilib, ilm-fan uchun o’zining beminnat hissasini qo’shib kelayotgan o’qituvchilarimizga qancha tasannolar aytsak ham kamdir.

Lekin guruch kurmaksiz bo’lmaydi. Ta’limdagi bunday achinarli, o’zgartirish biroz mushkul holatlar hozirgi zamonamizning global muammolaridan biridir.

Lekin ko’z yumib o’tolmaydigan holatlarimiz ham talaygina.Xo’ja ko’rsinga dars o’tib, oladigan oyligini ham halollab olmaydigan loqayd, qo’shtirnoq ichidagi  fan jonkuyarlari shunday “ustoz” degan ulug’ nomga dog’ tushuryapti.