K O' NG I L

Abstract

Ko'ngil... Besh harfdan iborat oddiygina so'z… Aytilishga-da oson... Yozilishga-
da qulay... Ammo, shugina so'zning ortida yuzlab ma'no, minglagan taqdirlar,
millionlab tuyg'ular yotishini anglaganimizda adog'siz o'ylarga cho'mamiz. "Ko'ngilki,
bir oyna", deyishadi. Oyna bo'lganda ham, muqaddas oyna! Shuning uchun ham u qalb
xazinasida saqlanadi. Bu xazina kalitlari esa har kimga ham berilmaydi. Zero, bu
kalitlar, faqat, ishonchga loyiqlargagina berilar ekan, demak, ulargina bu gavhardan
bahramand bo'ladilar. Biroq, tanganing ikkinchi tomoni ham borki, ko'ngil oynasini
sindirish ham, faqat, kalit sohiblarininggina qo'lidan keladi. O'shalargina qalb
xazinasini o'g'irlashga qodir. Axir, ruxsat tegamaganlar bu xazinaga qanday ham
kirsin?!