O‘ZBEKISTONNING FRONT ARSENALIGA AYLANTIRILISHI

Abstract

Ma’lumki, 1939-yil 1-sentabrida Germaniyaning Polshaga bostirib kirishi
hamda 1941-yil 22-iyul kuni SSSRga hujum qilishi bilan Ikkinchi jahon urushi
boshlandi. Urushning boshlanishi sovet mamlakati xalq xo‘jaligini front ehtiyojlarini
ta’minlash uchun qayta qurishni talab etdi. Moddiy, moliyaviy
va mehnat imkoniyatlarini urush manfaatlariga buysundirish, harbiy mahsulotlar ishlab
chiqarishni keskin oshirish kabi masalalar asosiy va kechiktirib bo‘lmaydigan hamda
juda qisqa muddatda bajarilishi zarur vazifalar hisoblanardi.
Shu yo‘nalishdagi ishlarni tashkil etishga qaratilgan dastlabki amaliy harakat
1941-yil 30-iyunda qabul qilingan “1941-yil 3-choragida xalq xo‘jaligini umumiy
safarbar etish rejasi”da namoyon bo‘ldi. Rejaga asosan tinch davrga nisbatan qurol-
yarog‘ ishlab chiqarilishi 26 foiz oshirildi 1 . Temir yo‘llarda harbiy yuklar, ko‘mir,
yoqilgi, metallar va g‘alladan tashqari boshqa yuklarning tashilish hajmi kamaytirildi.
Rejada boshqa chora-tadbirlar ham belgilangan bo‘lsa-da, keyingi voqealar rivoji
ularning yetarli emasligini ko‘rsatdi.