IKKILAMCHI KATARAKTANI DAVOLASHDA YAG-LAZER KAPSULOTOMIYA USULI SAMARADORLIGI VA ASORATLARINI BAHOLASH
Keywords:
Kalit so'zlar: fakoemulsifikatsiya katarakta (FEK), orqa kapsulasi fibrozi, ikkilamchi katarakta, artifakiya, YAG-lazerli dissiziya, oftalmogipertenziya makulyar shish va to’r parda ko’chishi.Abstract
Annotatsiya. Hozirda katarakta jarrohligi “in office” ya’ni ambulator amalga
oshiriladigan operatsiya turiga aylandi, buning asosiy sabablari operatsion texnik
jihozlarning va intraokulyar linza (IOL)larning yangi modellari yaratilishi hisoblanadi
[1,3]. Buning natijasida kataraktani fakoemulsifikatsiya (FEK) usuli orqali davolash
metodida inter- va postopertiv asoratlar soni sezilarli darajada kamayishiga erishildi.
Ayniqsa, akril tarkibli gidrofob intraokulyar linza (IOL) turidan foydalanish orqali
ikkilamchi katarakta rivojlanish xavfini sezilarli kamayishi kuzatilmoqda. Buning
asosiy sababi akrilli gidrofob IOL gavharning orqa kapsulasiga nisbatan to’liq
yopishadi va epiteliy hujayralarining periferiyadan makazga migratsiyasiga to’sqinlik
qilishidir. Shu o’rinda aytib o’tish kerakki, zamonaviy gidrofob akril turdagi IOLdan
foydalanish orqali ko’z olmasi to’qimalarini mahalliy reaksiyasini sezilarli
kamaytirishga erishilganligiga qaramay ikkilamchi kataraktaning paydo bo’lish xavfi
to’liq yo’qolmaydi. Klinik amaliyotda 50%-60% holatlarda katarakta ekstraktsiyasidan
keyingi davrlarda gavharning orqa kapsulasi fibrozi yoki ikkilamchi kataraktani
rivojlanishi tufayli bemorlarning ko’rish o’tkirligida yana pasayish aniqlangan. Bu
turdagi asoratni davolashning eng samarali usuli YAG-lazerli dissiziyasi ( sinonimlari:
lazerli fotodestruktsiya (LFD), YAG-lazerli kapsulotomiya yoki fibrinotomiya)
muolajasi hisoblanadi [2,6].
