MEKTEPKE SHEKEMGI JASTAǴI BALALARDA SÓYLEWDIŃ PSIXOLOGIYALIQ RAWAJLANIWI

Abstract

Erte balalıq dáwirinde balalar jas úlkenlerge baǵinińqi boladı, sebebi olardıń erkin
háreket qılıqları qıyın boladı. İs-háreket minez-qulıq normaların balalar jas úlkenler
arqalı úyrenedi. Bul dáwirde bala minez-qulqınıń motivi ańlanbag’an boladı. Balanıń
ishki dúńyasınıń qáliplesiwi jas úlkenlerge baylanıslı. Sebebi bala jas úlkenler kútken
qarım-qatnastı dárhal bere almaydı. Bala predmetlerge bolg’an qızıg’ıwshılıg’ın eń
aldı menen jas úlkenlerge múrájatı arqalı bildiredi. Kerekli járdemdi tildi qollanıw
arqalı aladı. Bul jerde jas úlkenler balag’a qanday talaplar qoyıwı áhmiyetli orın tutadı.
Jas úlkenler eger bala menen kem qarım-qatnasta bolsa, onıń tili rawajlanıwdan artta
qalıwı múmkin. Qarım-qatnasqa bolg’an zárúrlilik balada o’z-o’zinen rawajlanbaydı,
al predmet iskerligi boyınsha jas úlkenlerdiń qarım-qatnası arqalı o’sedi.