O‘ZBEKISTON RESPUBLIKASI INTELLEKTUAL MULK TIZIMINI JAHON SAVDO TASHKILOTI TALABLARIGA MOSLASHTIRISH MASALALARI
Keywords:
Kalit so‘zlar: JST, TRIPS, intellektual mulk huquqi, mualliflik huquqi va turdosh huquqlar, milliy rejim, talabnoma, Madrid kelishuvi, oshkor etilmagan ma’lumot, litsenziya, ixtiro, foydali model, tijorat siri, shaxsiy nomulkiy huquqlar, integral mikrosxemalar topologiyasi.Abstract
Annotatsiya: Hozirgi kunda mamlakatimizning iqtisodiy va ijtimoiy sohadagi xalqaro tashkilotlardagi o‘rnini yanada yaxshilash hamda xalqaro tashkilotlarga qo‘shilish bo‘yicha tizimli ishlar amalga oshirilmoqda. Xususan, respublikamizning Jahon savdo tashkilotiga (keyingi o‘rinlarda – JST) a’zo bo‘lishi bo‘yicha jadal harakatlar olib borilmoqda. JST xalqaro savdoda tashkilotga a’zo va ishtirokchi mamlakatlar uchun majburiy bo‘lgan tamoyillar va qoidalar belgilangan hukumatlararo ko‘p tomonlama shartnomalar asosida faoliyat olib boradi. Muayyan bir davlat JSTga a’zo bo‘lishi uchun u tomonidan ma’lum bir talab va shartlar bajarilishi talab etiladi. Shunday shartlardan biri bu JST ta’sis hujjatlari majmuiga kiruvchi Intellektual mulk huquqining savdo aspektlari bo‘yicha bitimga (keyingi o‘rinlarda – TRIPS bitimi) qo‘shilish hamda uning qoidalarini milliy qonunchilikda aks ettirish hisoblanadi.
