O‘ZBEKISTONDA OILA INSTITUTINING IJTIMOIY-SIYOSIY MAVQEI YUKSALISHINING YANGI BOSQICHI (2017-2021 YILLAR MISOLIDA)
Keywords:
Kalit so‘zlar: Oila, Inson qadri, Fuqorolik jamiyati, Ma’rifatparvar davlat, Harakatlar strategiyasi, (FHDYO).Abstract
Annotatsiya. Oila – bu jamiyat taraqqiyoti bilan parallel rivojlanib boruvchi, unga
kuch quvvat baxsh etuvchi, uning taraqqiyotiga yo‘nalish beruvchi eng muhim
institutdir. Mustahkam oilalar xalq, jamiyat va davlatning taraqqiyoti uchun eng muhim
omildir. Sog‘lom oilalarning mavjudligi jamiyat ravnaqi uchun sog‘lom muhitni
shakllantiradi. Shuning uchun mamlakatimizda oilaga katta e’tibor berilib, uni qanday
mustahkamlash, oila a’zolari o‘rtasida sog‘lom munosabatlarni shakllantirish, komillik
tarbiyasi, oilaviy nizolarni bartaraf etish, bir so‘z bilan aytganda oila institutining barcha
muammolariga jiddiy e’tibor qaratilgan. Oila institutiga dunyoning hech bir
mamlakatida bizning davlatimizdagidek jiddiy e’tibor qaratilmagan. 2020 yilning 18
fevral kuni O‘zbekiston Respublikasi Prezidentining “O‘zbekiston Respublikasi
mahalla va oilani qo‘llab-quvvatlash vazirligi faoliyatini tashkil etish tog‘risida”gi
qarori oila institutini mustahkamlash yo‘lida yana bir muhim qadam bo‘ldi.
Qonunchiligimizda alohida Oila kodeksining mavjudligi oilaviy munosabatlarni
boshqarishda muhim ahamiyat kasb etadi. Shuningdek, O‘zbekiston Respublikasi
Vazirlar Mahkamasi huzuridagi “Oila” ilmiy amaliy tadqiqot markazining faoliyat olib
borishi oila davlatimiz siyosatining eng muhim tarkibiy qismi sifatida e’tirof etilishidan
dalolat beradi.
