ODIL YOQUBOVNING "MUZQAYMOQ" HIKOYASIDA BOLA OBRAZI VA HAMNAFAS DAVR RUHI
Keywords:
Kalit so‘zlar: Muzqaymoq, mehmonlar, maktab, Stalin, NKVD.Abstract
Annotatsiya: Ushbu maqolada beg‘ubor bolalik davrini to‘kis baxtli o‘tkaza
olmagan, zamonning tahlikali siyosatini hali beg‘ubor kuzatuvchisi va bir paytning
o‘zida bolalikdagi “qahramon” ligidan faxrlanganiga uyalgan bolaning ulg‘aygach,
ushbu voqealikka munosabatini bildirayotgan taniqli yozuvchi Odil Yoqubov
qalamiga mansub bo‘lgan "Muzqaymoq" hikoyasidagi bolaning ichki olami haqida
so‘z yuritiladi. Shuningdek, xalqning ijtimoiy holati, sho‘ro siyosatiga ko‘ra targ‘ibot
va tashviqot ishlarining aholiga ta’siri natijalari, shaxsga sig‘inish oqibatlari va Stalin
qatag‘onchilik davri haqidagi ma’lumotlarni ham shu kichik hikoyaga jamlab yetkazib
beriladi. Qisqagina hikoyada g‘oyaviy aqidalarga ishonib kelgan va ayni paytda
tuzumdan norozi nufusning maishatidan darak beruvchi, shuningdek, insonlarni
siyosiy o‘yin qurbonlariga aylantirgan shaxsga sig‘inishning, xalqning ishonchi
toptalishi, sadoqatining qadrlanmasligi “mukofot”ini ko‘rishimiz mumkin. Zamon
zayli bilan qadimdan qo‘shnichilik, qarindoshchilik, mehmondo‘stlik kabi
xalqimizning o‘zaro aloqalarini uzilishining ildizlarini ochib beradi. 10 yashar
bolaning idroki va ko‘nglida konfliktlar yuzaga keltirgan tasvirlarni yaqqol guvohi
bo‘lamiz.
